തിരിച്ചുവരവിൽ പുത്തൻ വാഗ്ദാനങ്ങൾ നൽകി Google I/O

കോവിഡ്-19 പാൻഡെമിക് കാരണം, 2020 ൽ Google I / O സമ്മേളനം ഗൂഗിൾ  പൂർണ്ണമായും റദ്ദാക്കിയിരുന്നു.  ഒരു വർഷത്തെ അവധിക്ക് ശേഷം, ഗൂഗിൾ അതിന്റെ I/O ഡവലപ്പർ കോൺഫറൻസുമായി 2021 ൽ തിരിച്ചെത്തിയിരിക്കുകയാണ്. 

എന്താണ് Google I/O? ഗൂഗിൾ സംഘടിപ്പിക്കുന്ന ഒരു വാർ‌ഷിക ഡവലപ്പർ‌ കോൺ‌ഫറൻ‌സാണ് Google I/O, അതിൽ നിലവിലുള്ള ഗൂഗിൾ അപ്ലിക്കേഷനുകൾ‌ക്കും സേവനങ്ങൾ‌ക്കുമായി പുതിയ ഹാർഡ്‌വെയർ‌, സോഫ്റ്റ്വെയർ‌, വിവിധ അപ്‌ഡേറ്റുകൾ‌ എന്നിവ ഗൂഗിൾ പ്രഖ്യാപിക്കുന്നു.

Google I/O 2021 : 2021 മെയ്‌ 18 മുതൽ 20 വരെ മൗന്റൈൻ വ്യൂ, കാലിഫോർണിയയിൽ വെച്ച് തത്സമായ വെർച്വൽ ഇവന്റായിയാണ് Google I/O കോൺഫറൻസ് നടന്നത്. സുന്ദർ പിച്ചൈയും, മറ്റ് ഗൂഗിൾ എക്സിക്യൂട്ടീവുകളും അവതരിപ്പിച്ച കീനോട്ടുകളായിരുന്നു Google I/O 2021-ന്റെ പ്രധാന ആകർഷണം. എല്ലാവർക്കും കൂടുതൽ സഹായകരമായ ഗൂഗിൾ നിർമ്മിക്കും ( Building a more helpful Google for everyone ) എന്ന സന്ദേശം ഉയർത്തിപ്പിടിച്ചായിരുന്നു ഈ വർഷത്തെ കീനോട്ട് ആരംഭിച്ചത്.

Google I/O 2021 വാർഷിക ഡവലപ്പർ കോൺഫറൻസിൽ പ്രഖ്യാപിച്ചതെല്ലാം ഇവിടെ പറയുന്നു.

ഗൂഗിൾ മാപ്‌സിനായി ഇക്കോ ഫ്രണ്ട്‌ലി റൂട്ട് (eco-friendly route), സേഫർ റൂട്ട് (safer route) എന്നീ സവിശേഷതകൾ ഗൂഗിൾ പ്രഖ്യാപിച്ചു. ഏറ്റവും ഇന്ധനക്ഷമതയുള്ള റൂട്ടുകൾ വാഗ്ദാനം ചെയ്യുന്ന ഗൂഗിൾ മാപ്‌സിന്റെ പുതിയ സവിശേഷതയാണ് ഇക്കോ ഫ്രണ്ട്‌ലി റൂട്ട് ഓപ്ഷൻ. കാലാവസ്ഥയും ട്രാഫിക്കും അടിസ്ഥാനമാക്കി നിങ്ങൾക്ക് ഏറ്റവും സുരക്ഷിതമായ റൂട്ട് നിർണ്ണയിക്കാൻ ഗൂഗിൾ മാപ്‌സ് നൽകുന്ന മറ്റൊരു സവിശേഷതയാണ് സേഫർ റൂട്ട്. യാത്രകളിൽ നേരിടുന്ന പെട്ടെന്നുള്ള തടസ്സങ്ങൾ ഗൂഗിൾ മാപ്‌സിന്റെ പുതിയ സവിശേഷതകൾ വഴി നമുക്ക് മറികടക്കാം.

ഗൂഗിൾ അതിന്റെ വർക്ക്‌സ്‌പെയ്‌സിലേക്ക് അവതരിപ്പിച്ച പുതിയ ടൂളാണ് 'Smart Canvas'. ഗൂഗിൾ ഡോക്സ്, ഷീറ്റ്, ടാസ്ക്-മാനേജിങ് സേവനമായ അസാന തുടങ്ങിയവയുമായി ഗൂഗിൾ മീറ്റ്  സംയോജിപ്പിച്ചിരിക്കുന്നു. ഒരു ഗൂഗിൾ ഡോക്സ്, ഷീറ്റ് അല്ലെങ്കിൽ സ്ലൈഡ് എന്നിവ ഉപയോഗിക്കുമ്പോൾ തന്നെ ഉപയോക്താവിന് ഒരു മീറ്റ് വീഡിയോ കോളിൽ ചേരാനാകും. ഒരു ടീമിനൊപ്പം പ്രവർത്തിക്കുമ്പോൾ ഫലപ്രദമായി സഹകരിക്കാനും ആശയവിനിമയം നടത്താനും ഇത് ഉപയോക്താക്കളെ അനുവദിക്കുന്നു. 

ഗൂഗിളിന്റെ ഏറ്റവും പുതിയ സ്വാഭാവിക ഭാഷാ കണ്ടുപിടുത്തമായ 'LaMDA'' സുന്ദർ പിച്ചൈ പ്രഖ്യാപിച്ചു.  ഡയലോഗ് അപ്ലിക്കേഷനുകൾക്കായുള്ള ഒരു ഭാഷാ മോഡലാണിത്.  LaMDA ഇപ്പോഴും ഗവേഷണ ഘട്ടത്തിലാണ്. ഗൂഗിൾ ഇതിനെ വികസിപ്പിച്ചുകൊണ്ടിരിക്കുകയാണ് എന്നും പിച്ചൈ അറിയിച്ചു.

TPUv4 പ്രഖ്യാപിച്ചു, ഗൂഗിൾ ക്ലൗഡ് ഉപയോക്താക്കൾക്ക് ഉടൻ തന്നെ ഗൂഗിളിന്റെ പുതിയ TPUv4 പോഡുകളിലേക്ക് ആക്‌സസ് ലഭിക്കും എന്ന് ഗൂഗിൾ വെളിപ്പെടുത്തുന്നു. ഒരു പോഡിൽ 4.096  V4 ചിപ്‌സെറ്റുകൾ അടങ്ങിയിരിക്കുന്നു.

ഗൂഗിൾ സേവനങ്ങളുടെയും, ആപ്പുകളുടെയും സുരക്ഷ വർധിപ്പിക്കാനുള്ള പ്രഖ്യാപനങ്ങളും Google I/O 2021-ൽ ഉണ്ടായി. പുതിയ പാസ്‌വേഡ് മാനേജർ അപ്‌ഗ്രേഡുകൾ പ്രഖ്യാപിച്ചു. പുതിയതായി പ്രഖ്യാപിച്ച 'Import Passwords' എന്ന ടൂൾ ഉപയോഗിച്ച് ഉപയോക്താക്കൾക്ക് മറ്റ് പാസ്‌വേഡ് മാനേജർമാരിൽ നിന്ന് എളുപ്പത്തിൽ പാസ്‌വേഡുകൾ ഇമ്പോർട്ട് ചെയ്യാൻ സാധിക്കും. ഒരു മൂന്നാം കക്ഷി,  ഉപയോക്താക്കൾ സംരക്ഷിച്ച ഏതെങ്കിലും പാസ്‌വേഡ് അപഹരിച്ചാൽ 'Alert Password' ഉപയോക്താക്കൾക്ക് മുന്നറിയിപ്പ് നൽകും മാത്രമല്ല നിങ്ങൾക്ക് അതിന്റെ പാസ്‌വേഡ് വേഗത്തിൽ മാറ്റാനും കഴിയും.

സംഭാഷണപരവും തന്ത്രപ്രധാനവുമായ ചോദ്യങ്ങൾക്ക് കൃത്യമായ ഉത്തരം പ്രാപ്തമാക്കുന്ന ഗൂഗിൾ സെർച്ചിനായി, ഗൂഗിൾ MUM (Multitask Unified Model) അനാവരണം ചെയ്തു. സെർച്ചിനായി പുതിയ AR സവിശേഷതകളും ഗൂഗിൾ പ്രഖ്യാപിച്ചു, ഉപയോക്താക്കൾ‌ക്ക് അവരുടെ ആൻഡ്രോയ്ഡ് ഫോൺ ഉപയോഗിച്ച്  ഗൂഗിൾ സെർച്ചിൽ AR വഴി ലോകത്തിലെ മികച്ച കായികതാരങ്ങളെ കാണാൻ‌ കഴിയും.

ഗൂഗിൾ ഷോപ്പിംഗ് വികസിപ്പിക്കുന്നതിന്റെ ഭാഗമായി ഗൂഗിൾ പുതിയ സവിശേഷതകൾ കൊണ്ടുവന്നു. ഒരു ഉൽപ്പന്നതിനെ കുറിച്ചുള്ള ഗൂഗിളിന്റെ വ്യത്യസ്ത പ്ലാറ്റ്ഫോമുകളിൽ അടങ്ങിയിട്ടുള്ള മുഴുവൻ വിവരങ്ങൾ, അവലോകനങ്ങൾ, വിലനിർണ്ണയം, വീഡിയോ എന്നിവ സമന്വയിപ്പിക്കുന്ന ഷോപ്പിംഗിനായുള്ള ഒരു വിജ്ഞാന ഗ്രാഫാണ്  "Shopping Graph".  വിവരങ്ങൾ ശേഖരിക്കുന്നതിനും ഉപയോക്താക്കൾക്ക് എളുപ്പത്തിൽ ഷോപ്പിംഗ് നടത്താനും 'Shopping Graph' സഹായകമാവും.

ഗൂഗിൾ ഫോട്ടോകൾ‌ക്കും പുതിയ ഫീച്ചറുകൾ ലഭിച്ചു. 'Little Patterns' എന്ന പുതിയ ഫീച്ചർ വ്യത്യസ്‌ത ചിത്രങ്ങൾ‌ തമ്മിലുള്ള ദൃശ്യ സമാനതകൾ‌ വായിക്കാനും അതിന്റെ അടിസ്ഥാനത്തിൽ ചിത്രങ്ങളെ ആൽബങ്ങളിലേക്ക് ഗ്രൂപ്പ് ചെയ്യാനും കഴിയും.

എല്ലാവരും പ്രതീക്ഷിച്ച പോലെ ഗൂഗിൾ Android 12 ന്റെ പബ്ലിക് ബീറ്റ വേർഷനും, Android 12 അപ്‌ഡേറ്റിൽ പുറത്തിറങ്ങുന്ന  'Material You' എന്ന പുതിയ ഡിസൈനും പ്രഖ്യാപിച്ചു.   നിങ്ങൾ ഉപയോഗിക്കുന്ന വാൾപേപ്പറിനെ അടിസ്ഥാനമാക്കി ഒരു ഇഷ്‌ടാനുസൃത പെല്ലറ്റ് സൃഷ്‌ടിക്കുന്ന പുതിയ 'കളർ എക്‌സ്‌ട്രാക്ഷൻ' സവിശേഷതയാണ് പുതിയ യുഐയിൽ വരുന്നത്.  Android 12 'Digital Car key'-യുമായി ബന്ധിപ്പിക്കും,  ഇത് കാർ ഉടമകളെ എൻ‌എഫ്‌സിയുടെ സഹായത്തോടെ കാർ ലോക്കുചെയ്യാനും, അൺലോക്കുചെയ്യാനും, സ്റ്റാർട്ട്‌ ചെയ്യാനും അനുവദിക്കും.  പിക്‌സൽ, സാംസങ് ഗാലക്‌സി എന്നീ ആൻഡ്രോയ്ഡ് ഡിവൈസുകളിൽ ആയിരിക്കും ഈ ഫീച്ചർ ലഭ്യമാവുക.

വേഗതയേറിയ പ്രകടനത്തിനും മികച്ച ബാറ്ററി ലൈഫിനുമായി ഗൂഗിളിന്റെ WearOS-ഉം സാംസങ്ങിന്റെ Tizen wearable ഓപ്പറേറ്റിംഗ് സിസ്റ്റവും സംയോജിപ്പിക്കാൻ ഗൂഗിൾ സാംസങ്ങുമായി പങ്കാളികളായി. കൂടാതെ, Fitbit ഇനി മുതൽ ഗൂഗിളിന്റെ ഉടമസ്ഥതയിലുള്ളതാണെന്നും പ്രഖ്യാപിച്ചു. ഫിറ്റ്ബിറ്റിന്റെ ഏറ്റവും ജനപ്രിയമായ ചില സവിശേഷതകൾ ഇനി ഗൂഗിളിന്റെ വെയർ വാച്ചുകളിൽ ലഭ്യമാകും.

ആരോഗ്യ മേഖലയിൽ ഗൂഗിൾ നടത്തിയ പ്രഖ്യാപനങ്ങൾ വരും ദിവസങ്ങൾ ചർച്ച ചെയ്യപ്പെടും. സ്തനാർബുദ കേസുകൾ വേഗത്തിലും കൃത്യമായും കണ്ടെത്തുന്നതിനായി മാമോഗ്രാമുകളിൽ AI ഉപയോഗം മുന്നോട്ട് കൊണ്ടുപോകുന്നതിന് ഗൂഗിൾ ഹെൽത്ത് നോർത്ത് വെസ്റ്റേൺ മെഡിസിനുമായി പങ്കാളിത്തം വഹിക്കും. മാത്രമല്ല ക്ഷയരോഗ പരിശോധനയ്ക്കായി ചർമ്മത്തിന്റെ അവസ്ഥ തിരിച്ചറിയാൻ Google AI ഉപയോഗിക്കാം. ശരിയായ രോഗനിർണയം ലഭിക്കുന്നതിന് ഉടൻ തന്നെ നിങ്ങളുടെ ഫോണിന്റെ ക്യാമറയെ ചർമ്മത്തിലോ ചുണങ്ങിലോ ചൂണ്ടിക്കാണിച്ചാൽ കുറച്ച് നിമിഷങ്ങൾക്ക് ശേഷം ഉത്തരം ലഭിക്കുകയും ചെയ്യും.

എല്ലാ മേഖലകളിലും ഗൂഗിളിന്റെ പുരോഗതി ഉറപ്പ് വരുത്തുന്ന പ്രഖ്യാപനങ്ങൾ ആയിരുന്നു Google I/O 2021 ൽ ഗൂഗിൾ പ്രഖ്യാപിച്ചത്.  ഗൂഗിൾ, സമ്മേളനത്തിന്റെ തുടക്കത്തിൽ ഉയർത്തിക്കാണിച്ച സന്ദേശം അർത്ഥമുള്ളതാണ് എന്ന് നമുക്ക് മനസ്സിലാകും. അതേ, നമുക്ക് ഏറ്റവും സഹായകരമായ രീതിയിലേക്ക് ഗൂഗിളിനെ നിർമ്മിക്കുയാണ് അവർ.