ഇന്ത്യയിലെ PUBG ആരാധകർക്കായി BATTLEGROUNDS MOBILE INDIA വരുന്നു

ഇന്ത്യയിലെ PUBG ആരാധകർക്ക് സന്തോഷം നൽകുന്ന പ്രഖ്യാപനമാണ് 2021 മെയ്‌ 6 ന് ക്രാഫ്റ്റൻ നടത്തിയത്. അവരുടെ ഏറ്റവും പുതിയ മൊബൈൽ ഗെയിം ആയ Battlegrounds Mobile India യുടെ പ്രഖ്യാപനമാണ് ക്രാഫ്റ്റൻ നടത്തിയിരിക്കുന്നത്. 2020 സെപ്റ്റംബർ 2 നാണ് ഇന്ത്യയിൽ PUBG ക്കും PUBG Mobile Lite നും ഇന്ത്യൻ ഗവണ്മെന്റ് നിരോധനം ഏർപ്പെടുത്തിയത്. PUBG ഇന്ത്യയിൽ തിരിച്ചെത്തിക്കുക എന്നതാണ് PUBG മാതൃകയിൽ ഒരുക്കിയിരിക്കുന്ന Battlegrounds Mobile India യിലൂടെ ക്രാഫ്റ്റൻ ലക്ഷ്യമിടുന്നത്.

Battlegrounds Mobile India യെ കുറിച്ച് കൂടുതൽ അറിയാം.

കഴിഞ്ഞ വർഷം സെപ്റ്റംബറിൽ ഇന്ത്യയിൽ നിരോധിച്ച PUBG മൊബൈലിന്റെ ഇന്ത്യൻ പതിപ്പാണ് Battlegrounds Mobile India. PUBG യുടെ തന്നെ ഡെവലപ്പർമാരായിരുന്ന ദക്ഷിണ കൊറിയ ആസ്ഥാനമായി പ്രവർത്തിക്കുന്ന വീഡിയോ ഗെയിം ഡെവലപ്പർ കമ്പനിയായ  ക്രാഫ്റ്റൺ ആണ് Battlegrounds Mobile India അവതരിപ്പിക്കുന്നത്. ഇന്ത്യൻ പ്രേക്ഷകർക്ക് മാത്രമായി നൽകുന്ന നിരോധിത ഗെയിമിന്റെ ട്വീക്ക് ചെയ്ത പതിപ്പായിരിക്കും ഇത്. 

Battlegrounds Mobile India യുടെ പുതിയ സവിശേഷതകൾ എന്തെല്ലാം?

Battlegrounds Mobile India ഇന്ത്യൻ പ്രേക്ഷകർക്കായിയാണ് രൂപകൽപ്പന ചെയ്തിരിക്കുന്നത്. അതുകൊണ്ട് തന്നെ Battlegrounds Mobile India യുടെ  ലോഗോയും ഡിസൈനും, ഇന്ത്യൻ പ്രതീകങ്ങളും ത്രിവർണ്ണ നിറങ്ങളും ഉപയോഗിച്ചാണ് പുനർരൂപകൽപ്പന ചെയ്‌തിരിക്കുന്നത്.

Battlegrounds Mobile India എന്ന പേരിൽ തന്നെയുള്ള ഗെയിമിന്റെ ഔദ്യോഗിക ഫേസ്ബുക്ക് പേജിൽ, ഗെയിമിന്റെ ഏറ്റവും പുതിയ ടീസർ പങ്കിട്ടിട്ടുണ്ട്. ഗെയിമിൽ വിവിധ ഇനങ്ങൾ വഹിക്കാൻ കളിക്കാരെ അനുവദിക്കുന്ന ഒരു ബാക്ക്പാക്ക് ടീസറിൽ കാണിക്കുന്നുണ്ട്.  ഗെയിമിൽ കണ്ടെത്താൻ കഴിയുന്ന ഏറ്റവും വലിയ ശേഷിയുള്ള ലെവൽ 3 ബാക്ക്പാക്ക് ആണ് ടീസറിൽ കാണിക്കുന്നത്. കൂടാതെ, ബാക്ക്പാക്ക് PUBG മൊബൈലിലുള്ളതിന് സമാനമായതായിയാണ് കാണാൻ കഴിയുന്നത്. ഇതിനുപുറമെ, Battlegrounds Mobile India യെ കുറിച്ചുള്ള മറ്റ് വിവരങ്ങളൊന്നും ടീസറിൽ പങ്കിട്ടിട്ടില്ല.

Battlegrounds Mobile India ലോഞ്ച് ചെയ്യുന്ന ദിവസം തന്നെ റോയൽ പാസുകളുടെ പ്രവർത്തനവും വരുമെന്ന് പ്രതീക്ഷിക്കുന്നു.  ഇതിനായി, Battlegrounds Mobile India ഒരു പുതിയ സീസൺ ഉണ്ടാകാം.  PUBG യിലെ പോലെ തന്നെ പ്രതിഫലം നേടാനും ഗെയിമിലെ വിവിധ ഇനങ്ങൾ വാങ്ങാനും റോയൽ പാസുകൾ ആളുകളെ അനുവദിക്കും.

Battlegrounds Mobile India ചില സിസ്റ്റം ആവശ്യകതകൾ ശുപാർശ ചെയ്യുന്നു. Android 5.1.1 (ലോലിപോപ്പ്) വേർഷനോ അല്ലെങ്കിൽ അതിന് മുകളിലുള്ള വേർഷനുകളിലുള്ള ഫോണുകളിലായിരിക്കും Battlegrounds Mobile India സപ്പോർട്ട് ചെയ്യുക. മാത്രമല്ല കുറഞ്ഞത് 2 ജിബി റാം മെമ്മറിയും ഫോണുകൾക്ക് ഉണ്ടായിരിക്കണം.

Battlegrounds Mobile India - PUBG യിൽ നിന്ന് വ്യത്യസ്തമാകുമോ?

ടീസറിൽ നിന്നും മറ്റുള്ള റിപ്പോർട്ടുകളിൽ നിന്നും മനസ്സിലാക്കാൻ കഴിയുന്നതിന്റെ അടിസ്ഥാനത്തിൽ ഗെയിംപ്ലേ, മാപ്പുകൾ, എപികെ ഫയൽ വലുപ്പം എന്നിവയിലൊന്നും വലിയ വ്യത്യാസങ്ങൾ പ്രതീക്ഷിക്കുന്നില്ല. PUBG എന്നത് Battlegrounds Mobile India എന്നാക്കി മാറ്റുന്നത് തന്നെയാണ് പ്രധാന മാറ്റമായി കാണുന്നത്. കളിക്കാർ PUBG യിൽ ആസ്വദിച്ച് പരിചിതമായ ഗെയ്മിംഗ് ഫീച്ചറുകൾ തന്നെയാണ് Battlegrounds Mobile India യിലും ഉൾപ്പെടുത്തിയിരിക്കുന്നത് എന്നാണ് ടീസർ നൽകുന്ന സൂചന. എങ്കിലും ഡിസൈനിലും ഗെയ്മിംഗിലും ചില മാറ്റങ്ങൾ പ്രതീക്ഷിക്കാവുന്നതാണ്.

Battlegrounds Mobile India യുടെ ഔദ്യോഗിക ടീസറുകളിൽ  ഗെയിംപ്ലേയിലെ സമാനതകൾ കാണാൻ കഴിയുന്നുണ്ട്. PUBG Mobile ഗെയിമിന് അതിന്റെ ഐഡന്റിറ്റി നൽകിയ  അതേ മെറ്റാലിക് വെൽഡിംഗ് ഹെൽമെറ്റ് Battlegrounds Mobile India യുടെ ടീസറിലും കാണാൻ കഴിയുന്നു. സോഷ്യൽ മീഡിയയിലുടനീളം Battlegrounds Mobile India യുടെ ടീസറുകളിലും പരസ്യങ്ങളിലും ക്രാഫ്റ്റൻ സമാനമായ ഒരു വസ്ത്രമാണ് ഉപയോഗിച്ചിരിക്കുന്നത്.

Battlegrounds Mobile India യിൽ ഉൾപ്പെടുത്തിയിരിക്കുന്ന മാപ്പുകളിൽ ചെറിയ വ്യത്യാസങ്ങൾ ഉള്ളതായി റിപ്പോർട്ടുകൾ വരുന്നുണ്ട്. PUBG Mobile ഗെയിമിൽ ഉണ്ടായിരുന്ന എറാങ്ങൽ, മിറാൻമർ മാപ്പുകളുമായി താരതമ്യപ്പെടുത്തുമ്പോൾ Battlegrounds Mobile India യിൽ ഉൾപ്പെടുത്തിയിരിക്കുന്ന മാപ്പ് താരതമ്യേനെ ചെറുതാണ്, പക്ഷേ ലിവിക് പോലുള്ള സമീപകാല മാപ്പുകളേക്കാൾ വലുതുമാണ്.

ഗെയിമിന്റെ APK ഫയൽ വലുപ്പം PUBG യുടേതിന് സമാനമാണെന്ന് പറയപ്പെടുന്നു. ഗൂഗിൾ പ്ലേ സ്റ്റോറിൽ Battlegrounds Mobile India യുടെ APK വലുപ്പം 600 എംബി ആവുമെന്ന് പ്രതീക്ഷിക്കുന്നതായി ഐജിഎൻ ഇന്ത്യയിൽ നിന്നുള്ള ഒരു റിപ്പോർട്ട് അനുമാനിക്കുന്നു. തീർച്ചയായും,  മാപ്പുകളും മറ്റു ഫീച്ചറുകളും ഡൗൺലോഡ് ചെയ്യുന്നതിന്റെ ഫലമായി ഗെയിമിന്റെ വലുപ്പം വിപുലീകരിക്കും.

Battlegrounds Mobile India കളിക്കുന്നതിന് ചില നിയന്ത്രണങ്ങൾ ഉണ്ടാവും. ആർക്കൊക്കെ എന്നറിയേണ്ടേ?

Battlegrounds Mobile India കളിക്കുന്നതിൽ കുട്ടികൾക്കും കൗമാരക്കാർക്കും നിയന്ത്രണങ്ങളുണ്ടാകും. 18 വയസ്സിന് താഴെയുള്ള കളിക്കാർക്ക് Battlegrounds Mobile India പുതിയ നിയന്ത്രണങ്ങൾ ഏർപ്പെടുത്തും, ഒപ്പം അവരുടെ മാതാപിതാക്കളുടെയോ രക്ഷിതാവിന്റെയോ ഫോൺ നമ്പർ ഉപയോഗിച്ച് മാത്രമാവും ഗെയിം രജിസ്റ്റർ ചെയ്യാനാവുക.

തങ്ങളുടെ കുട്ടി അവരുടെ സമ്മതമില്ലാതെ വ്യക്തിഗത വിവരങ്ങൾ നൽകിയിട്ടുണ്ടെന്ന് കരുതുന്ന രക്ഷകർത്താക്കൾക്കോ ​​രക്ഷിതാക്കൾക്കോ ​​ഡവലപ്പർമാരുമായി ബന്ധപ്പെടാനും ഡാറ്റാബേസിൽ നിന്ന് വിവരങ്ങൾ ഇല്ലാതാക്കാൻ അഭ്യർത്ഥിക്കാനും Battlegrounds Mobile India യുടെ പോളിസിയിൽ പരാമർശിക്കുന്നു.  കൂടാതെ, 18 വയസ്സിന് താഴെയുള്ള കളിക്കാർക്ക് എല്ലാ ദിവസവും പരമാവധി മൂന്ന് മണിക്കൂർ മാത്രമേ ടൈറ്റിൽ ആക്‌സസ് ചെയ്യാൻ കഴിയൂ. അപ്ലിക്കേഷനിലെ വാങ്ങലുകൾക്കായി ഈ കളിക്കാർക്ക് പ്രതിദിനം 7,000 രൂപയിൽ കൂടുതൽ ചെലവഴിക്കാനും കഴിയില്ല.

എന്നാണ് Battlegrounds Mobile India റിലീസ് ചെയ്യുന്നത്?

മെയ് 18 മുതൽ ഗൂഗിൾ പ്ലേ സ്റ്റോറിൽ ആൻഡ്രോയിഡ് ഉപയോക്താക്കൾക്കായുള്ള Battlegrounds Mobile India യുടെ പ്രീ-രജിസ്ട്രേഷൻ ആരംഭിച്ചിട്ടുണ്ട്.  Battlegrounds Mobile India ക്കായി പ്രീ-രജിസ്റ്റർ ചെയ്യുന്ന കളിക്കാർക്ക് അതിശയകരമായ 4 റിവാർഡുകൾ ലഭിക്കും എന്ന് ക്രാഫ്റ്റൻ പ്രഖ്യാപിച്ചിട്ടുണ്ട്. റെക്കൺ മാസ്ക്, റെക്കൺ ഔട്ട്‌ഫിറ്റ്, സെലിബ്രേഷൻ എക്‌സ്‌പേർട്ട് ടൈറ്റിൽ, 300 എജി എന്നിവ ആയിരിക്കും ലഭിക്കുക.

Battlegrounds Mobile India യുടെ റിലീസിംഗ് തിയ്യതി സംബന്ധിച്ച് ഔദ്യോഗിക അറിയിപ്പുകൾ ഒന്നുംതന്നെ ഇതുവരെ പുറത്തുവന്നിട്ടില്ല. എങ്കിലും ചില അനൗദ്യോഗിക റിപ്പോർട്ടുകൾ ജൂൺ 10 എന്നും ജൂൺ 18 എന്നും ഗെയിമിന്റെ റിലീസ് തീയതിയായി എടുത്തുകാണിക്കുന്നു. ഈ വിവരങ്ങൾ എല്ലാം പരിഗണിക്കാമെങ്കിലും ഞങ്ങൾ നിർദ്ദേശിക്കുന്നത്, Battlegrounds Mobile India യുടെ റിലീസ് തീയതി ക്രാഫ്റ്റൻ സ്ഥിരീകരിക്കുന്നതുവരെ നിങ്ങൾ കാത്തിരിക്കുക.